依隻國產山寨十五機合體，已經出左好幾年，當時一出係人人讚好
因為應該係用當年小型DX合金個模具，有原版對比就會知道，基本完全一樣，所以造型完全正確
膠料品質亦出奇的好，夠厚又實淨，而且分色分件相當細心，還懂得在適當的地方用上電鍍件，
而上色基本都有照原著去正確上色
雖然有簡化修改過，但仍可作部份分體，仲有大大把原著電鍍劍
加上當時只賣三十大元(現在己升到賣七八十元)
實在係山寨界既好物~！
好還好，美中不足是不能完全分體，更莫說作海陸空獨立合體，而且可動亦相當有限
在下亦入手了好幾年，入手當時已有改造念頭，但擔心技術不足，故一直只把他放在玩具柜中供奉
直到最近執房，才又再想起他，當年做不來的，或許現在夠技術來挑戰一下…
↑一些改造中的圖~
↑目標係能夠改造到完全分體+海陸空合體+強化可動~
↑看似困難，但我想到一個最簡單的改法，加上一公一乸球形關節，令合體接合位等同於關節位，一次解決兩個問題
↑每一個關節，都係一個接合位~
↑頭要可動所以要有虛位，感覺有點浮空，頸有點長~
↑大腿的接合位收藏在機頭內~
↑完全分體十五機，當然有再滲線等上色~
↑空組五機，改造最為簡單，紅色5號機更完全無需改造~
↑空組五機合體~
↑海組五機，改造最為困難，大腿因可動問題，留有極大虛位，外型會比較怪相~
↑海組五機合體~
↑陸組五機，改造比想像中易~
↑陸組五機合體~
↑海陸空三合~
↑其實十五機個鼻係黑色定白色？玩具白，但卡通黑，最後我油白色，白鼻好似立體啲靚啲~
↑其實依隻機械人有無正式譯名？睇卡通時太細過，無乜印象有叫過全名，定就係叫十五機合體，
靜係知無線譯做機甲艦隊，其實相比我對百獸王比較有印象，起碼知道亞視播美版叫佢金剛戰神~
↑可動大幅度強化，雖然唔算得上係高可動，但比原先已”可動”不少~
