最近marvel legends大減價，前幾日我剛剛先追返復仇者2的滅霸set
之前奧丁set都有兩個唔同頭、兩件唔同斗篷、四隻唔同手，咁細心要你買晒成set
但係滅霸set就連比隻滅霸招牌既無限手套都慳返…大細超到呢……
睇到兩隻同樣的滅霸左手，馬上令人想到改一隻造無限手套啦~！
但可能想法真係太過簡單，想既人多真係做既人少
人唔做我做，簡易快煮一下，但賣相同味道我都收貨
↑材料有：滅霸左手一隻，Mr.color No.9半茶匙，極細號水晶貼紅橙黃綠藍紫各一，膠水少許
製法：先掃油再貼水晶貼，水晶貼可用少許膠水固定，前後唔駛半粒鐘，名副其實簡易快煮
↑依款就係一日要介紹既菜色，簡易快煮無限手套
金色夠令，寶石夠閃，色香味全仲簡單又方便添~
大家今晚都返屋企試下整啦~
沒有留言:
張貼留言